Blend y Barics

Roedd Barics y Chwarelwyr yn Nantlle, a adeiladwyd yn yr 1860au, yn gartref i lu o chwarelwyr a weithiai yn Chwarel Dorothea. Ers 2016, mae’r Barics wedi bod yn gartref a hwb i ni, ym mhle mae’n holl goffi yn cael ei rhostio, blasu a’i bacio â llaw.

Rydym wastad yn arbrofi gyda mathau gwahanol o goffi yma yn y Barics, ac mae ‘Blend Y Barics´ yn gyfle i ni rannu efo chi pan ‘dani’n taro ar rywbeth rydyn ni wir yn ei hoffi.

Blend Y Barics yw ein blend tymhorol, ac mae'n ddewis arall i'n Espresso Blend. Er ei fod wedi'i gynllunio ar gyfer espresso, mae Blend Y Barics yn creu Aeropress, Stovetop, neu Gaffetiere hyfryd.

Bydd Blend Y Barics yn newid gyda'r tymhorau a'r cynhaeaf, felly ymunwch a ni ar y daith a mwynhewch yr hyn rydyn ni'n ei yfed yn y rhosty.

-----------------------------------------------

Ionawr 2026

Nodiadau cwpanu: Cyrens duon cynnes, crwmbl afal, coco, pastai pecan

Mae ein Blend Y Barics bob amser wedi'i gynllunio i fod yn ddathliad o'r gorau y gall coffi fod drwy gydol y cynaeafau tymhorol, ac i gyd-fynd gyda y tymhorau yma yn y DU. Nid yw Blend Barics y gaeaf hwn yn eithriad. Mae wedi'i gynllunio i flasu cystal ar fore rhewllyd o'ch peiriant coffi ag ydi hi o fflasg i'ch cynhesu ar ddiwrnod aeafol. Mae'n llawn blasau o gyrens duon cynnes suddlon, crymbl afal, coco, a phastai pecan - rhai o'r pethau gorau am y gaeaf!

Daw’r blend tymhorol hon o ddau o'n hoff gynhyrchwyr o'r 12 mis diwethaf, y ddau wedi'u cyrchu'n arbenigol ac yn ofalus trwy'r tîm yn Falcon Specialty. Y cyntaf yw un o’n ffefrynau poblogaidd 'El Borbollon' o El Salvador (y ffa y tu ôl i'r coffi proses casgen wisgi hudolus), sy’n rhoi sylfaen gynnes gyfoethog o siocled i'r blend hwn. Mae wedi'i gyfuno â choffi blasus wedi'i olchi o 'Nyungwe' yn Rwanda, gan ychwanegu nodiadau ffrwythus a suddlon llachar hyfryd i roi blas cofiadwy sy'n eich gadael chi i eisiau mwy gyda phob sip.